Zıandy qaldyqsyz kálsılengen sodany qalaı óndirýge bolady?
Qaraǵandylyq ǵalym munyń tyń ádisin oılap tapty. Qalqaman Jumashev 8 jyl boıy áktiń paıdalanylýyn qajet etpeıtin jańa tehnologıamen aınalysyp keledi, ıaǵnı aýaǵa gazdar shyǵarylmaıdy. Energıany kóp qajet etetin prosesterdi azaıtý natrıı karbonatynyń qunyn tómendetedi, dep habarlaıdy Almaty-akshamy.kz
Ázirleýshi óz ádisin patenttep, halyqaralyq avtorlyq quqyǵyn ıelengen. Qalqaman Jumashevtyń ádisine qazirgi kúni Pavlodar qalasynyń mamandary qyzyǵýshylyq tanytýda. Olar pılottyq synaqty ótkizýge daıyn jáne ol oń nátıje kórsetken jaǵdaıda jumys barysyna engizedi. Aıta ketý kerek, kálsılengen soda metalýrgıa ónerkásibinde keńinen qoldanylady. Qazaqstan jyl saıyn 400 myń tonnaǵa jýyq ónimdi qajet etedi. Atalǵan untaq bizge kórshiles elderden ımporttalady.
«Eski tehnologıa boıynsha óndirilgen sodanyń árbir tonnasyna 10 tekshe metr hlorıd eritindisi shyǵarylady. Árbir tonnadan shamamen bir tonna SO2 bólinedi. Qazir búkil álem osymen kúresýde. Ekologtar eski tehnologıaǵa qarsy bolǵandyqtan, jańa, ekologıalyq taza ádisti izdeýge umtylyp jatyr. Usynylyp otyrǵan tehnologıa osy talaptarǵa tolyq jaýap beredi», - deıdi tehnıka ǵylymdarynyń doktory Qalqaman Jumashev.