Onǵa jýyq adam jol boıynda tóbelesken.
Polıseıler Almatyda Naýryzbaı aýdanyndaǵy Alma City turǵyn úı kesheniniń janynda bolǵan jappaı tóbeleske qatysýshylardy izdestirip jatyr, dep habarlaıdy Almaty-akshamy.kz
Baqylaý kameralary men kýágerlerdiń túsiriliminiń arqasynda buzaqylar jasyrynǵan kólikter anyqtaldy. Onǵa jýyq adam jol boıynda tóbelesken bolatyn.
«Qazirgi ýaqytta Naýryzbaı aýdanynyń polısıa basqarmasy fakt boıynsha tekserý sharalaryn júrgizip jatyr. Tóbeleske qatysýshylar mindetti túrde anyqtalyp, jaýapkershilikke tartylady», - dep túsindirdi Almaty polısıa departamentiniń baspasóz qyzmeti.
Oqıǵanyń barlyq qatysýshysy ustalǵannan keıin, tártip saqshylary janjaldyń sebebin anyqtap qana qoımaı, kinálilerdi jazalaıdy.