Qazaqstandyq boıjetken Dına Ámir AQSH-taǵy Miss World International baıqaýynda jeńimpaz boldy.
Saıys 8-11 tamyz aralyǵynda Maıamıde (AQSH) ótken, dep habarlaıdy Almaty-akshamy.kz
«Aıqyn» basylymynyń jazýynsha, ol álemdegi eń iri halyqaralyq sulýlyq baıqaýynda Miss World Universe nomınasıasyn jeńip aldy.
«Emosıa óte kóp. Sózben aıtyp jetkize almaısyń, óte qyzyqty boldy. Ásirese, men úshin. Óıtkeni mundaı baıqaýǵa birinshi ret qatystym. Aqylyna kórki saı qatysýshylarmen tanysý óte keremet, – dedi Dına.
Dınany qoldaý úshin baıqaýǵa synyptastary men onyń stılısi de barǵan. Ol ózi sońǵy 7 jyl Qazaqstandaǵy IT-kompanıalarda marketolog bolyp jumys istegen. Qazir aksıalar men qor naryǵyna ınvestısıa salýmen aınalysady. Ol bir jarym jyl buryn AQSH-qa kóship, magıstratýraǵa túsýge daıyndalyp jatyr. Dına konkýrs týraly Instagram-nan kórip, keıin ótinish bergen.