Shyǵys Qazaqstan oblysyndaǵy ejelgi saq qorymdarynan tabylǵan altyn artefaktar Ulybrıtanıanyń Kembrıdj qalasynda ornalasqan Fısýılám mýzeıinde kórsetiledi, dep habarlaıdy almaty-akshamy.kz 24 kz silteme jasap.
«Uly dala altyndary» dep atalatyn kórmede kórermen nazaryna Berel, Shilikti jáne Eleke Sazy qabir keshenderinen tabylǵan 300 jádiger usynylady. Basty element jas sadaqshynyń jerlengen qorymy bolmaq. Shamamen 18 jasynda mert bolǵan saq jaýyngerin kishi týysymen birge jerlegen. Jartastyń opyrylýy qabir keshenin tonaýshylardan qorǵap, ony 2,5 myń jyl boıy bútindeı qalypta saqtap kelgen. Bul – eldegi eshkimniń qoly tımegen ekinshi saq qabiri. Qorymdardan tabylǵan qazynalar 28 qyrkúıekten bastap kópshilikke tanystyrylady.