Almaty polısıasynyń 100-den astam qyzmetkeri İshki ister Mınıstriniń, Almaty qalasy Ákiminiń, sondaı-aq, Almaty qalalyq Polısıa departamenti bastyǵynyń quqyqtarymen marapattaldy, dep habarlaıdy Almaty-akshamy.kz.
Qyzmette erekshe kózge túsken tártip saqshylaryn marapattaý rásimi PD-de ótti.
Jeke quram aldynda sóz sóılegen Almaty qalalyq PD bastyǵy, polısıa general-maıory Qanat Taımerdenov, Otan qorǵaýshylardyń erlikteri - ózderin áskerı mamandyqqa arnaǵan jáne óz elinde tynyshtyq bolýy úshin qyzmet etetin adal jastardy tárbıeleýde turaqty mektep ekenin atap ótti.
«Sizderdi erlik pen batyldyqtyń sımvoly – Otan qorǵaýshylar Kúnimen quttyqtaýǵa ruqsat etińizder! Bul árbir adal adam men sanaly azamat úshin naǵyz patrıotızmniń úlgisi, halqymyzdyń barlyq urpaqtarynyń birliginiń aıqyn dáleli. Sizderge myzǵymas erik-jiger, senimdi otbasylyq tyl, zor densaýlyq, barlyq tilekterińiz ben armandaryńyzdyń oryndalýyn, Otanymyz – Qazaqstan Respýblıkasynyń ıgiligi jolyndaǵy qajyrly eńbekte bıik jetistikter tileımin», - dedi, Qanat Taımerdenov.