Olımpıadada elimizdiń namysyn qorǵaıtyn sportshylardyń tolyq tizimi jarıalandy
Ulttyq Olımpıada komıteti Beıjińge baratyn sportshylardyń tolyq tizimin jarıalady, dep habarlaıdy Almaty-akshamy.kz Olympic.kz silteme jasap.
Shańǵymen jarysýdan el atynan eki er adam jáne bes áıel adam synǵa túsedi.
Frıstaıl-mogýldan baq synaıtyn sportshylar búgin jarys jolyna shyǵady.
Shańǵy akrobatıkasynan Janbota Aldabergenova, Aqmarjan Qalmurzaeva jáne Sherzod Hashırbaev Qazaqstan namysyn 10 aqpan kúni qorǵaıdy.
Taý shańǵysynan qazaqstandyq Zahar Kýchın slalom men gıgantty slalomda synǵa tússe, áıelder arasyndaǵy slalomda Aleksandra Troıskaıa 9 aqpanda jarys jolyna shyǵady.
Shańǵymen sekirýden Sergeı Tkachenko men Danıl Vasılev Olımpıada joldamasyn ıelendi, shańǵy qossaıysynan Shyńǵys Rakparovqa senim artamyz. Ol atalǵan sport túri boıynsha Olımpıadaǵa alǵash ret qatysyp otyrǵan qazaqstandyq retinde tarıhta qalmaq.
Bıatlonnan Galına Vıshnevskaıa-SHeporenko, Aleksandr Mýhın men Vladıslav Kıreevke jankúıer bolamyz. Kónkımen syrǵanaý sportyn 5 aqpanda tamashaı alamyz.
Short trekten bes sportshy baq synaıdy. Olar da 5 aqpan kúni jarys alańyna shyǵady.