Djakartadaǵy básekege barlyǵy 15 qazaqstandyq sportshy attandy
Indonezıa astanasy Djakartada vıntovka jáne tapanshamen nysana kózdeýden álem kýbogi ótip jatyr, dep habarlady Almaty-akshamy.kz.
Búgin Qazaqstan quramasynyń qorjynyna ekinshi júlde tústi.
Qazaqstandyq Valerıı Rahymjan men Irına Iýnýsmetova pnevmatıkalyq tapanshamen 10 metrden nysana kózdeýde qola medal jeńip aldy. Qazaqstan quramasy aralas juptar arasyndaǵy júldege talasta Ońtústik Koreıa sportshylaryn 16-10 esebimen jeńdi. Ekinshi qola Aýstrıa mergenderine buıyrdy.
Aıta keteıik, keshe Valerıı Rahymjan pnevmatıkalyq tapanshamen 10 metrden nysana kózdeýden jekeleı synda 4-oryn alǵan. Djakartadaǵy básekege barlyǵy 15 qazaqstandyq sportshy attandy. Olardyń bári álem kýbogi qarsańynda 10-26 qańtar aralyǵynda Kýveıtte ótken oqý-jattyǵý jıynyna qatysqan.
Qazir Qazaqstan jáne Polsha quramasy jalpy esepte 2 medalmen (1 kúmis, 1 qola) 7-orynda tur.
Indonezıadaǵy saıysta (31 elden 300-ge jýyq sportshy kelgen) reıtıń upaılary sarapqa salynyp jatyr. Al bul upaılar keıin Parıj Olımpıadasyna qatysýǵa múmkindik beredi. Álem kýbogi 7 aqpanda máresine jetedi.