Keıbir Telegram-arnalarda otynmen júrip kele jatqan kóliktiń kúlkili beınejazbasy jarıalanǵan bolatyn
Almaty polısıasy kólik salonynyń ortasyna «pesh» qoıǵan júrgizýshini jaýapkershilikke tartty, dep habarlaıdy Almaty-akshamy.kz Polisia.kz-ke silteme jasap.
Kólikti 1955 jyly týǵan L.esimdi azamat basqarǵan.
«Kólik quralyn paıdalaný erejelerin buzǵan júrgizýshini anyqtaýǵa baǵyttalǵan tekserý sharalary aıasynda, Qazaqstan Respýblıkasynyń ákimshilik zańnamasyna sáıkes sharalar qabyldandy. QR ÁQBtK-niń 590-baby 7-bóligi boıynsha materıal jınaqtaldy. Kólik mamandandyrylǵan aıyppul turaǵyna qoıyldy. Naqtyraq aıtsaq, bul joly avtokólik júrgizýshisi salonnyń ortasyna ashyq otty pesh jasap, eki jaǵyna gaz balondaryn ornalastyrǵan. Mundaı kólikti basqarý, eń aldymen, onyń ıesine, jolaýshylarǵa jáne basqa da jol qozǵalysyna qatysýshylarǵa qaýip tóndiretini anyq», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.