Otbasy qundylyqtary
Shahardaǵy Naýryzbaı aýdanynda Táýelsizdiktiń 30 jyldyǵy qarsańynda birqatar sharalar ótedi, dep habarlaıdy Almaty-akshamy.kz Almaty.tv-ǵa silteme jasap. Solardyń biri respýblıkalyq Otbasy kúnine oraılastyryldy.
Aýdannyń polısıa basqarmasynda otbasyndaǵy zorlyq-zombylyqtyń aldyn alý máseleleri talqylanyp, dúıim jurtqa úlgi bolǵan januıaǵa syılyqtar tabystaldy.
«Respýblıkalyq otbasy kúni qarsańynda 30 memlekettik organda onlaın jáne offlaın formatta, sanıtarlyq talaptardy saqtaı otyryp, aýdandaǵy úlgili otbasylarmen kezdesý ótkizilip jatyr», – dedi Naýryzbaı aýdany ákimi apparaty mádenıet jáne tilderdi damytý bóliminiń bas mamany Farıza Eskendirova.
Atalǵan sharaǵa 60 jyl ómirdiń ashshy men tushshysyn birge kórgen Balbaevtar januıasy qatysty. Olar jastarǵa bilgenderin aıtyp, ǵumyrlyq tájirıbelerimen bólisti.
«Otbasyn asyraýǵa er adam talpynys jasaýy qajet. Áıelder de qarap otyrmaýy kerek. Tek qana náresteli bolǵan kezden basqa. Mine, osyndaı jaǵdaıda "Birigip kótergen júk jeńil" bolmaq», – dedi Naýryzbaı aýdanynyń turǵyny Ertaı Balbaev.