Almatyda kóliginen jartylaı jalańash qyz túsken júrgizýshi jazalandy, dep habarlaıdy Polisia.kz.
Bul – 25 jastaǵy A. esimdi azamat. Onyń kóliginen jartylaı jalańash qyz shyqty. Eske salaıyq, áleýmettik jelilerde zań buzýshylyqtary bar vıdeo eki kún buryn paıda bolǵan.
– Bul derek monıtorıń barysynda anyqtaldy. Júrgizýshini anyqtap, jaýapkershilikke tartý sharalary qolǵa alyndy. Nátıjesinde, bizdiń bólimsheniń qyzmetkeri quqyq buzýshyǵa qatysty 230-baptyń 2-bóligi (saqtandyrýdyń bolmaýy), 590-baptyń 9-bóligi (tehnıkalyq baıqaýdyń bolmaýy), 593-baptyń 1-bóligi (jolaýshylardy tasymaldaý erejelerin buzý), 599-baptyń 1-bóligi (baǵdarshamnyń tyıym salynǵan belgisine qozǵalý) boıynsha tórt ákimshilik hattama toltyryldy. Sonymen qatar, júrgizýshimen quqyqtyq túsindirý jumystary júrgizildi. Sondaı-aq, kólikten túsken qyzǵa qatysty da ákimshilik shara qoldanylǵanyn habarlaımyn. Oǵan QR ÁQbK-niń 434-baby (Usaq buzaqylyq) boıynsha aıyp taǵyldy, – dedi Almaty qalalyq PD jergilikti polısıa qyzmeti basqarmasynyń bastyǵy Manap Sattarov.