Namıbıanyń eń iri kúndelikti basylymy The Namibian-nyń jazýynsha, atalǵan eldiń basshysy Namıbıa astanasy Vındhýk qalasyndaǵy aýrýhanada kóz jumǵan.
Al vıse-prezıdent Nangolo Mbýmba marqum Geıngobtyń 3 aqpan kúni tańerteń áıeli men balalarynyń qasynda jan tapsyrǵanyn aıtty.
Geıngob 2015 jyly Namıbıa prezıdenti qyzmetine kirisken. Ol 1990 jyldan 2002 jylǵa deıin burynǵy prezıdent Sem Nýjomanyń ákimshiligi kezinde eldiń birinshi premer-mınıstri qyzmetin atqardy.
Geıngob sońǵy aılarda densaýlyǵyna qatysty problemalarmen kúresip keledi. 8 qańtarda prezıdent ózine qaterli isik dıagnozy qoıylǵanyn habarlady. Keıin, 25 qańtarda memleket basshysy emdelýge AQSH-qa attandy. Geıngob 30 qańtarda - eki kún emdelgennen keıin Namıbıaǵa qaıta oraldy.
Ol 2015 jyly naýryzda Namıbıa prezıdenti boldy jáne 2019 jyly qaıta saılandy. Sondaı-aq 1990-2002 jáne 2012-2015 jyldary eki ret eldiń premer-mınıstri qyzmetin atqarǵan.