2024 jylǵy 3-4 aqpanda Astana qalasy máslıhatynyń qoldaýymen "Tarlan" muz saraıynda qyzmettik mindetin atqarý kezinde erlikpen qaza tapqan órt sóndirýshi Asqar Zabıkýlındi eske alýǵa arnalǵan shaıbaly hokeıden týrnır ótti, dep habarlaıdy almaty-akshamy.kz
Týrnırge QUTQARUSHI, BI HOCKEY TEAM, BAUERLAR jáne ORDA hokeı komandalary qatysty.
Týrnırdiń saltanatty ashylýyna Tótenshe jaǵdaılar mınıstri Syrym Sháriphanov, qalalyq máslıhat tóraǵasy Erlan Kanalımov jáne depýtattar toby, Asqar Zabıkýlınniń jaqyndary, jary men balalary, elordalyq TJD basshylyǵy men ardagerleri qatysty.
Eki kúndik týrnırdiń jeńimpazy Bauerlar komandasy, ekinshi oryndy Qutqarushi komandasy, al úshinshi oryndy BI hockey team jeńip aldy.
Qyzmet barysynda qaza tapqan órt sóndirýshi, bizdiń zamanymyzdyń batyry Asqar Zabıkýlındi eske alýǵa arnalǵan aldaǵy týrnır buryn voleıboldan jáne órt-qutqarý sportynan ótken bolatyn. Qańtar aıynda Asqar Zabıkýlın 30 jasqa tolar edi.