Olar saýda-ekonomıkalyq jáne ınvestısıalyq yntymaqtastyqty keńeıtý jóninde pikir almasty.
Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Izraıl Memleketiniń Syrtqy ister mınıstri Iaır Lapıdpen telefon arqyly sóılesti, dep habarlaıdy Almaty-akshamy.kz.
«Kelissózder barysynda taraptar ekijaqty qarym-qatynastardy odan ári damytýdyń jaı-kúıi men perspektıvalaryn talqylady. Atap aıtqanda, olar saýda-ekonomıkalyq jáne ınvestısıalyq yntymaqtastyqty keńeıtý jóninde pikir almasty»,– delingen SİM baspasóz qyzmetiniń habarlamasynda.
Mınıstrler aldaǵy jyly dıplomatıalyq qatynastardyń 30 jyldyǵyna arnalǵan is-sharalardy birlesip úılestirýge kelisti.
Óńirlik jáne halyqaralyq kún tártibindegi máseleler talqylandy.