Muhammed Álı – álemge áıgili boksshy ári biregeı tulǵa!
Dúınede erekshe darynymen tanylǵandar az emes. Bálkim baq ta, bap ta qatar shapqan bolar. Sondaı jannyń biri - Muhammed Álı. Kúlli adamzat ónerine tánti bolǵan jan týraly bes qyzyqty derekti nazarlaryńyzǵa usynamyz.
- Áıgili boksshynyń shyn aty – Kassıýs Marselıýs Kleı. Ol qarapaıym tap ókilinen shyqqan. Amerıka Qurama Shtatynyń Kentýkkı ólkesinde kedeı otbasynda dúnıe esigin ashqan.
- Onyń boks zalyna kelýi de qyzyq. Kishkene kúninde óziniń velosıpedin qorǵamaq bolǵan. Sol sebepti óziniń súıikti eki aıaqty arbasyn eshkimge bermeý úshin jattyǵýǵa bara bastaǵan.
- Jahan boıynsha 5 dúrkin jyl boksshysy ataǵyn ıelendi. Osylaısha 21 jyl boıy sharshy alańda úzdiksiz óner kórsetti. Tipti Vetnam soǵysyna qatysýǵa kelisim bermegeni úshin sharshy alańnan shettetildi. Degenmen araǵa 3 jyl salyp, barlyq ataǵyn qaıtaryp aldy.
- Barsha dúnıejúzi moıyndap, sport ıkonyna aınaldy. Sóıtip, sport tarıhyndaǵy eń tanymal tulǵa jáne eń uly boksshy aınaldy. Sondaı-aq, jarqyn qyzyl tildi sheshen edi. Onyń kóptegen sıtatalary tarıhta qalǵan.
- Muhammed Álı – onyń laqap aty. Kópshilik bul esimdi ıslam dinin qabyldaýymen baılanystyrady. Ózi de kóptegen suqbattarynda onysyn dáıekteıdi. Máselen, AQSH-tyń ortalyq telearnalaryna bergen jaýabynda «óziniń bir ǵana oqqaǵary bar ekendigin jáne ol jalǵyz Jaratýshy ekendigin» aıtqan.
Bizder uly tulǵanyń birneshe qyryn ǵana aıttyq. Al kópke beımálim erekshe qasıetteri týraly aıtylmaǵan syrlar kóp. Ony sý túbinde jatqan marjanǵa teńeımiz.