«Mirjaqyp. Oıan, qazaq!» úzdik tarıhı serıal
Otandyq serıal kontentine arnalǵan «Nauryz» ulttyq báıgesiniń jeńimpazdary marapattaldy, dep habarlaıdy Almaty-akshamy.kz.
«Nauryz» ulttyq báıgesi Aqparat jáne qoǵamdyq damý mınıstrliginiń qoldaýymen alǵash ret ótip jatyr.
Báıgege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efırine, YouTube arnasynda shyqqan serıaldar men shyǵarmashylyq toptar 13 nomınasıa boıynsha qatysyp jatyr.
«Ózderińizge belgili, Naýryz – jańarý men gúldenýdiń, ósý men órkendeýdiń sımvoly. Sondyqtan bul ulttyq báıge otandyq serıaldardyń da ósip-órkendeýine septesedi dep úmittenemiz. Jalpy elimizde sońǵy jyldary kreatıvti ındýstrıa, teleserıaldar qarqyndy damyp keledi. Qazir bizde san da, sapa da artyp keledi, qarajat jaǵyn da kóbeıtýdi qarastyryp otyrmyz. Qazir otandyq serıaldar ishki jáne syrtqy naryqta úlken suranysqa ıe bolyp otyr. Buryn úndiniń «Kelinine» telmiretin kórermen qazir ózimizdiń «Kelinjan» men «Appaq kelindi» kóredi», - dedi Aqparat jáne qoǵamdyq damý mınıstriniń mindetin atqarýshy Darhan Qydyráli keshtiń ashylýynda.
Eń aldymen «Úzdik tarıhı serıal» atalymynyń jeńimpazdary aıtyldy.
Ádilqazy alqasynyń sheshimimen bul marapatty Qazaqstan ulttyq arnasy túsirgen «Mirjaqyp. Oıan, qazaq!» serıaly jeńip aldy.
Bul júldege sonymen birge «Qanysh. Qazyna», «Qyzyl jebe», «Mánshúk» talasqa túsken edi.
«Úzdik dramalyq serıal» nomınasıasynda da Qazaqstan ulttyq arnasynyń «Aqjaýyn» týyndysy úzdik atandy.
Munda «Birge bol», «Raýza. Sakýranyń gúldeýi», «Shanhaı» telehıkaıalary short-tizimge engen bolatyn.
Kórermen kózaıymyna aınalǵan «Kelinjan» «Úzdik komedıalyq serıal» atandy. Short-tizimge «Baja», «Kúıeý bala», «Patrúl» týyndylary da endi.
«Úzdik veb-serıal» nomınasıasynda «Appaq kelin», «Oına», Serjan Bratan, «5:32» serıaldary baq synady.
Nátıjesinde Salem Social Media túsirgen Serjan Bratan ozyp shyqty.
Aıta keteıik, jeńimpazdarǵa NAURYZ arnaıy músinshesimen birge 1 mıllıon teńge kóleminde syıaqy tabystaldy.