Almatynyń Bostandyq aýdanyndaǵy gaz taratý qurylǵysynan shyqqan aqaý tolyq qalpyna keltirildi, dep habarlaıdy Almaty-akshamy.kz.
Almaty ákimdiginen habarlaǵandaı, qalpyna keltirý jumystary búgin saǵat 18:00-de tolyq aıaqtaldy.
Eske salaıyq, keshe qalanyń Bostandyq aýdanynda gaz taratý qurylǵysynda apatqa qarsy qorǵanystyń iske qosylýynan turǵyn úıler kógildir otynsyz qalǵan bolatyn.
Tótenshe jaǵdaı «QazTransGaz Aımaq» AQ-nyń avarıalyq-dıspecherlik qyzmetine aqparat 30 naýryz saǵat 19:45-te túsken. Oqıǵa saldarynan tórt shaǵynaýdannyń (Orbıta-1,2,3,4) turǵyndary ýaqytsha gazsyz qaldy.
«QazTransGaz Aımaq» mamandary apat ornyna baryp, jedel sharalar qabyldady. Onyń ishinde gaz taratý pýnkterinde kirý jáne shyǵý jolyndaǵy bekitkish armatýralar jabylyp, qorǵasyndy plombamen plombalandy. Qaýipsizdik tehnıkasynyń talaptaryna sáıkes, túngi ýaqytta jóndeý-qalpyna keltirý jumystary júrgizilmeı, jumystar búgin tańǵy saǵat 09:00-de bastalǵan bolatyn.