Bul týraly Úkimet otyrysynda Bilim jáne ǵylym mınıstri Asqat Aımaǵambetov aıtty, dep habarlaıdy Almaty-akshamy.kz Elorda.info saıtyna silteme jasap.
«Qoǵamdyq tártipti saqtaý kezinde mindetterin óteý barysynda qaza tapqan áskerı qyzmetshiler, quqyq qorǵaý jáne arnaýly memlekettik organ qyzmetkerleriniń balalary ýnıversıtette oqýy úshin bilim grantyn berý usynylady. Bul da Memleket basshysynyń tapsyrmasy aıasynda júzege asyrylady. Bilim jáne ǵylym mınıstrligi Prezıdenttiń bergen tapsyrmalaryn ýaqytyly ári sapaly júzege asyrady», - dedi mınıstr.
Sondaı-aq Aımaǵambetov joǵary bilimge qoljetimdilikti arttyrý boıynsha halyq tyǵyz ornalasqan óńirler men bilim berý salasynda úlken alshaqtyǵy bar óńirlerde nysanaly grant bólinetinin aıtty.
«Granttar Qazaqstannyń jetekshi JOO-larynda oqý úshin bólinedi. Olar oqý bitirgen soń negizgi turatyn jer boıynsha jumys óteý kózdeledi. Prezıdenttiń tehnıkalyq mamandyqqa basymdyq berý tapsyrmasy negizinde bul saladaǵy grant sany 60 paıyzǵa kóbeıedi», - dedi ol.