Baǵanyń qoljetimdiligin qamtamasyz etý boıynsha is-sharalar qabyldanýda.
Bul týraly alǵashqy Úkimet otyrysynda QR Premer-Mınıstriniń orynbasary – Saýda jáne ıntegrasıa mınıstri Baqyt Sultanov málimdedi, dep habarlaıdy Almaty-akshamy.kz
«Azyq-túlik ınflásıasyn tejeý jáne áleýmettik mańyzy bar taýarlardyń baǵalaryn memlekettik retteý sharalaryn kúsheıtý aıasynda jergilikti atqarýshy organdarmen birlesip, azyq-túlik taýarlarynyń negizgi túrleriniń naqty jáne baǵanyń qoljetimdiligin qamtamasyz etý boıynsha is-sharalar qabyldanýda», - dep atap ótti mınıstr.
Onyń aıtýynsha, Saýda mınıstrligi Aýyl sharýashylyǵy mınıstrligimen birlesip, taýarlardy óndirý, tutyný jáne qaıta bólý teńgerimderiniń tolyq monıtorıńin qamtamasyz etetin bolady.
«Ortalyq Azıa elderimen ózara is-qımyl aıasynda ımporttalatyn azyq-túlik taýarlaryn tartý boıynsha is-sharalar qabyldanýda. Qajet bolǵan jaǵdaıda eksporttyq shekteý jónindegi is-sharalar ýaqtyly qabyldanady. Qazirdiń ózinde mal men kókónis eksportyna tyıym salyndy», - dedi Baqyt Sultanov.