Ár eldiń baıtaq jeri, kók aspany, tarıhy, ótkeni men bolashaǵy bar. Biz qazaq eli osynyń barlyǵymen maqtana alamyz. Halqymyz: "Árkimniń týǵan jeri - Mysyr Shahary" degendeı, onyń ár taý-tasy, ózen-kóli men ný-toǵaıy, ásem qalalary janymyzǵa eń jaqyn, eń ystyq. Úlken qalalarda bilim alyp, qyzmet jasap, arman qýyp júrgen jastardyń bolashaqqa degen úmitteri zor. 2025 jyl «Jumysshy mamandyqtar jyly» dep jarıalandy.
Prezıdent tıisti Jarlyqqa qol qoıdy. Bastama jumysshy mamandyqtardy dáripteý arqyly qoǵamda eńbekqor jáne naǵyz maman bolyp qalyptasý ıdeıasyn nasıhattaýdy kózdeıdi. Elimizdiń ekonomıkasynyń turaqty damýynda jumysshy mamandardyń úlesi orasan zor. Eldiń óndiristik, qurylys, aýyl sharýashylyǵy jáne kólik salalary dál osy mamandardyń biliktiligi men eńbegine súıenedi. Shıkizat óndirisi men óńdeý ónerkásibi, energetıka, ınfraqurylymdyq jobalar jumysshy mamandyqtarysyz múmkin emes. Osy oraıda Almaty energetıka jáne elektrondy tehnologıalar koleji jastarynyń da qosyp jatqan úlesi az emes. «Jumysshy mamandar» jylynyń jarıalanýy el ishinde úlken qoldaýǵa ıe boldy. Qoǵam ókilderi, kásiporyn basshylary, salalyq qaýymdastyqtar men jastar bul bastamany quptap otyr. Ásirese, kolejimizde bilim alyp jatqan stýdentterimizdiń ózderi tańdaǵan mamandyqtaryna degen qyzyǵýshylyǵynyń artýy, bolashaq mamandardyń sapaly jumysshy bolýyna oń nátıje bermek.
Ár jyl tarıhtyń jańa paraǵyn ashyp, álemdik jáne ulttyq deńgeıde mańyzdy oqıǵalardy eske túsirýge múmkindik beredi. 2025 jyl – jahandyq tarıh pen mádenıet úshin erekshe jyl, sebebi birqatar iri tarıhı oqıǵalardyń, uly tulǵalardyń mereıtoılary men qoǵam úshin mańyzdy kúnder eskerildi. Búgingi kúnde kolej ujymy «Respýblıka kúniniń» 25 jyldyǵyn qala kóleminde atap ótti. İs-sharaǵa Almaty qalasy Bilim basqarmasynan Jumaǵulova Gúlhan Álimhanqyzy jáne Naýryzbaı aýdany kolejderinen dırektordyń tárbıe isi jónindegi orynbasarlary qatysty. İs-shara taqyrypty tereńnen qozǵady. Elim dep eńiregen han, batyrlarmen bastalyp, 21 ǵasyrǵa deıingi Qazaq jerinde bolǵan barlyq oqıǵa qamtyldy. Ózimiz úshin de, jastar úshin de júrekti tebirenter, patrıottyq rýhty oıatar kesh boldy.
Almaty energetıka jáne jańa tehnologıalar koleji
Dırektordyń tárbıe isi jónindegi orynbasary
Muhtar Meıirjan Aıboluly