Jambyl oblysyndaǵy qaıǵyly oqıǵaǵa baılanysty Memleket basshysynyń atyna kóńil aıtý jedelhattary keldi.
Qasym-Jomart Toqaevtyń atyna Jambyl oblysyndaǵy áskerı qoımada bolǵan jarylys saldarynan kóp adamnyń qaza bolýyna ákep soqtyrǵan qaıǵyly oqıǵaǵa baılanysty shet memleketterdiń, úkimetter men halyqaralyq uıymdardyń basshylarynan kóńil aıtý jedelhattary kelip jatyr, dep habarlaıdy Almaty-akshamy.kz Aqordaǵa silteme jasap.
Reseı Federasıasynyń Prezıdenti Vladımır Pýtınnen, Qyrǵyz Respýblıkasynyń Prezıdenti Sadyr Japarovtan, Tájikstan Respýblıkasynyń Prezıdenti Emomalı Rahmonnan, Belarýs Respýblıkasynyń Prezıdenti Aleksandr Lýkashenkodan, Armenıa Prezıdenti Armen Sarkısánnan jedelhat keldi. Sondaı-aq Reseı Federasıasynyń Premer-Mınıstri Mıhaıl Mıshýstın, Túrkitildes memleketter yntymaqtastyq keńesiniń Bas hatshysy Baǵdat Ámireev, Shanhaı yntymaqtastyq uıymynyń Bas hatshysy Vladımır Norov jedelhat joldady. Jedelhattarda qaza tapqandardyń otbasylaryna kóńil aıtyp, qoldaý bildirgen. Sonymen qatar jaraqat alǵan azamattardyń tezirek saýyǵyp ketýin tilegen.
Kóńil aıtý jedelhattary áli de kelip jatyr.