Medeý aýdanynyń mektepteri men balabaqshalarynda 4,5 myń oryn jetispeıdi.
Jeke ınvestorlar esebinen 357 oryndyq 7 balabaqsha ashyldy, dep habarlaıdy Almaty-akshamy.kz
«Qala ortalyǵyndaǵy jáne Dýman shaǵyn aýdanyndaǵy mektepterde oryn tapshylyǵy seziledi. Qazir 2 mektepke kúrdeli jóndeý júrgizilýde. №48 mektepti jańǵyrtýdy jyl sońyna deıin aıaqtaý josparlanýda. Bul rette joǵary synyptar 1 qyrkúıekten bastap mektepke oralady. Kishi synyptar jyl sońyna deıin jaqyn mańdaǵy basqa mektepterge ýaqytsha ornalastyrylady. № 131 lıseıdi seısmıkalyq kúsheıtý kelesi jyldyń tamyz aıynda aıaqtalady.
№4 mektep ǵımaratyna 600 oryndyq qosymsha qurylys salý máselesi pysyqtalýda. Bul jerde JSQ ázirleý, qurylysty 2024 jyly aıaqtaı otyryp, jerdi satyp alý boıynsha jumystar kútilýde.
Úsh balabaqshada kúrdeli jóndeý aıaqtaldy. Sondaı-aq, jeke ınvestorlar esebinen 357 oryndyq 7 balabaqsha ashyldy, bul ótken jylmen salystyrǵanda 16%-ǵa artyq. Jyl sońyna deıin 200 oryndyq taǵy 5 mektepke deıingi uıym ashý josparlanýda», - dedi megapolıs basshysy halyqpen kezdesýde.