Marat Sultanǵazıev Almaty oblysynyń ákimi laýazymyna taǵaıyndaldy. Tıisti Jarlyqqa Memleket basshysy qol qoıdy. Bul týraly Almaty-akshamy.kz habarlaıdy Inform.kz-ke silteme jasap.
Marat Sultanǵazıev 1976 jyly Almaty oblysynda dúnıege kelgen. Abaı atyndaǵy Almaty memlekettik ýnıversıtetin, Qazaq memlekettik zań akademıasyn, T. Rysqulov atyndaǵy Qazaq ekonomıkalyq ýnıversıtetin támamdaǵan. Mamandyǵy boıynsha — ekonomıs-qarjyger, zańger, iskerlik ákimshilendirý magıstri.
Eńbek jolyn 1997 jyly Salyq bóliminiń zańdy tulǵalardy tekserý bóliminiń birinshi sanatty mamany bolyp bastaǵan.
1998-2001 jyldary Almaty qalasy boıynsha Salyq komıtetiniń salyq ınspektory, aǵa salyq ınspektory, jetekshi salyq ınspektory, bas maman – bas salyq ınspektorynyń m. a. bolyp jumys istegen.
2001-2010 jyldary Almaty qalasy boıynsha Salyq komıtetinde jumysyn jalǵastyrǵan, Almaty qalasy boıynsha Salyq departamenti basshysynyń orynbasary bolyp jumys istegen.
2010-2012 jyldary QR Qarjy mınıstrliginde basshylyq qyzmetterdi atqarǵan.
2012-2014 jyldary — QR Prezıdenti Ákimshiliginiń Áleýmettik-ekonomıkalyq monıtorıń bóliminiń sektor meńgerýshisi.
2014-2017 jyldary — QR Qarjy mınıstrligi Memlekettik kirister komıtetiniń Almaty qalasy boıynsha Memlekettik kirister departamentiniń basshysy.
2017 jylǵy maýsymnan 2018 jylǵy qazanǵa deıin QR Prezıdenti Ákimshiliginiń Áleýmettik–ekonomıkalyq monıtorıń bólimi meńgerýshisiniń orynbasary qyzmetin atqardy.
2018 jylǵy qazannan bastap qazirge deıin QR Qarjy mınıstrligi Memlekettik kirister komıtetiniń tóraǵasy bolyp jumys istedi.
2021 jylǵy 12 mamyrda Qazaqstan Respýblıkasynyń qarjy vıse-mınıstri laýazymyna taǵaıyndaldy.
2022 jylǵy 15 qańtardan beri QR Qarjy mınıstriniń birinshi orynbasary bolyp qyzmet atqardy.