Qoqıqazdar – jyl qusy.
Mańǵystaý oblysy ákiminiń baspasóz qyzmeti aımaqqa ushyp kelgen qoqıqazdardyń vıdeosyn jarıalady, dep habarlaıdy Almaty-akshamy.kz.
Mańǵystaýǵa qoqıqazdar ushyp keldi. Qanattylar Aqtaýdyń janynda ornalasqan jasandy Qarakólde turaqtaıdy, - dep jazdy ákimdik baspasóz qyzmeti.
«Qaraqıa-Qarakól» memlekettik tabıǵı qaýmaly - erekshe qorǵalatyn aýmaq. Onyń aımaǵyna kirý zańmen retteledi. 137 500 gektardy quraıtyn bul aımaq 1986 jyldyń 17 aqpanynda qurylǵan. Biraq ekologtardyń aıtýynsha, kól 1964 jyly paıda bolǵan. Ýaqyt óte kóktemde jáne kúzde bul jasandy kóldiń ústinen jyl qustary ushyp ótip, keıbiri qystaýǵa qalyp qoıatyn bolǵan.
Qoqıqazdar – jyl qusy. Ol - dene bitimi erekshe, tumsyǵy ımek, sırek kezdesetin qus.