Bul proses 2027 jylǵa deıin kezeń-kezeńimen júzege asyrylmaq.
Qazaqstanda 2027 jylǵa deıin eń tómengi bazalyq zeınetaqy mólsherin kezeń-kezeńimen arttyrý josparlanýda, dep habarlaıdy Almaty-akshamy.kz LS silteme jasap.
Eńbek jáne áleýmettik qorǵaý mınıstrligi 2023 jyldan bastap Qazaqstannyń zeınetaqy naryǵynda birneshe ózgerister kútiletinin habarlady.
Birinshiden, kelesi jyldan bastap áıelderdiń zeınetkerlik jasy bes jyl ishinde 61 jasta turaqtap qalady. Ekinshiden, eń tómengi bazalyq zeınetaqy mólsherin eń tómengi kúnkóris deńgeıiniń (36 018 teńge) 54%-dan 70%-ǵa deıin, al eń joǵarysy - tıisinshe 100%-dan 120%-ǵa deıin ulǵaıady. Bul proses 2027 jylǵa deıin kezeń-kezeńimen júzege asyrylmaq. Osylaısha, Eńbek mınıstrligi bazalyq zeınetaqynyń ortasha mólsherin shamamen 13%-ǵa (jyl saıyn) nemese búkil kezeń ishinde 51%-ǵa arttyrýǵa nıetti.
Sondaı- aq, yntymaqty zeınetaqyny esepteý úshin paıdalanylatyn eń joǵary tabys – 46-dan 55 AEK-ke deıin kóteriletin bolady.
"Bul júıege jańadan kirgen zeınetkerlerge de, qazirgilerge de qatysty. Usynylǵan sharalar 2025 jylǵa qaraı jıyntyq zeınetaqyny orta eseppen 27%-ǵa arttyrýǵa múmkindik beredi", - dep atap ótti mınıstrlikte.
Osy túzetýler senat aǵymdaǵy jyldyń 8 jeltoqsanynda maquldaǵan "Memlekettik jastar saıasaty jáne áleýmettik qamsyzdandyrý máseleleri jónindegi" zań jobasyna engizildi. Qazirgi ýaqytta qujat Memleket basshysynyń qaraýyna joldandy.
Sonymen qatar, Eńbek mınıstrliginde áleýmettik kodeks jobasyndaǵy basqa da túzetýler ázirleý týraly aıtyldy. Olardyń ishinde zeınetaqy jınaqtaryn jeke qarjy kompanıalaryn basqarýǵa aýdarý jáne Biryńǵaı jınaqtaýshy zeınetaqy qorynyń (BJZQ) tıimdi ınvestısıalyq strategıasyn qurý bar.
Buǵan deıin, májilismender BJZQ jumysyn synǵa alǵan bolatyn. Olardyń pikirinshe, elimizde azamattarymyzdyń zeınetaqy jınaqtarynyń deńgeıine qatysty problemalar bar. Sonymen birge olar qazaqstandyqtarǵa bul qarajatty komýnaldyq qyzmetter men nesıelerdi óteýge jumsaýǵa ruqsat berýdi usynady.