Orman qory men janýarlar álemine úlken zıan keldi
QR marlamenti májilisiniń depýtattary Qostanaı oblysyndaǵy órtten zardap shekkenderge bir kúndik tabysyn aýdarý týraly sheshim qabyldady, dep habarlaıdy Almaty-akshamy.kz.
Qostanaı oblysynyń turǵyndary buryn-sońdy bolmaǵan qaıǵyly jaǵdaı – órtke tap boldy. Ókinishke qaraı, qaıtys bolǵan adam bar.
«Júzdegen úıler men óndiristik nysandar qırady. Orman qory men janýarlar álemine úlken zıan keldi. Qazir ýákiletti organdar barlyq qajet sharany qabyldap jatyr. Memleket basshysy jaǵdaıdy jeke baqylaýda ustap otyr», - delingen parlament májilisiniń habarlamasynda.
Osyndaı aýyr kezeńde barlyq qazaqstandyqqa qostanaılyqtarmen birge bolyp, qoldan kelgenshe kómek kórsetý mańyzdy dedi májilismender. Sonymen qatar májilis depýtattary marqumnyń týǵan-týystaryna kóńil aıtyp, zardap shekkenderdiń tezirek saýyǵyp ketýine tilektes ekenin jetkizdi.
«Osyǵan baılanysty parlament májilisi Qostanaı oblysynda órt saldarynan zardap shekkenderge bir kúndik jalaqysyn aýdarý týraly sheshim qabyldady. Májilismender men Apparat qyzmetkerleri marqumnyń týǵan-týystaryna kóńil aıtyp, zardap shekkenderdiń tezirek saýyǵyp ketýin tileıdi», - deıdi Májilis depýtattary.