Qazaqstannyń Elshisi Marǵulan Baımuhan Lúksembýrg Parlamentiniń Tóraǵasy, Uly Gersogtiginiń Depýtattar palatasyndaǵy «Lúksembýrg-Qazaqstan» dostyq tobynyń jetekshisi Fernan Etgenmen kezdesý ótkizdi, dep habarlaıdy Almaty-akshamy.kz Egemen.kz-ke silteme jasap.
Qos tarap Qazaqstan men Lúksembýrg arasyndaǵy dıplomatıalyq qarym-qatynastardyń 30 jyldyǵynyń nyshandyǵyn atap ótip, saıası jáne ekonomıkalyq yntymaqtastyq odan ári nyǵaıa beretinine senim bildirdi. Kezdesýde eki eldiń energetıkalyq jáne azyq-túlik qaýipsizdigin qamtamasyz etýdiń mańyzdylyǵy, sondaı-aq parlamentaralyq dıalogty, onyń ishinde Qazaqstan men Lúksembýrg parlamentshileriniń ekijaqty saparlaryn uıymdastyrýdy jandandyrý máselesi talqylandy.
Qazaqstandyq dıplomat Parlament Tóraǵasyn Qazaqstan Respýblıkasynyń Prezıdenti Q.Toqaev bastaǵan saıası reformalarmen, «Jańa Qazaqstannyń» áleýmettik-ekonomıkalyq damýymen, sondaı-aq demokratıa, quqyqtyq memleket jáne azamattyq qoǵam ınstıtýttary qaǵıdattaryn nyǵaıtýǵa baǵyttalǵan jalpyhalyqtyq referendým nátıjelerimen tanystyrdy.
2022 jyldyń birinshi jartyjyldyǵynda Qazaqstan men EO arasyndaǵy ózara taýar aınalymynyń aıtarlyqtaı óskenin, onyń qazirdiń ózinde 20 mıllıard AQSH dollarynan (ósim 51,2%) asyp ketkenin atap ótken M. Baımuhan saıasatkerdiń nazaryn Qazaqstannyń eksporttyq jáne kóliktik-tranzıttik múmkindikterine aýdardy.
Qazaqstandyq dıplomat elimizdiń 2060 jylǵa qaraı kómirtegi beıtaraptyǵyna qol jetkizýge basa nazar aýdaryp otyrǵanyn atap ótti, sondaı-aq Qazaqstan Ortalyq Azıadaǵy iri ekonomıka bola otyryp, ınvestısıalyq ahýaldy jaqsartýǵa jáne ınvestorlar úshin barynsha qolaıly jaǵdaı jasaýǵa erekshe kóńil bóletinin atap ótti.
Sondaı-aq qazaqstandyq dıplomat Lúksembýrg parlamentshige Ortalyq Azıa memleketteri basshylarynyń Sholpan-Atada ótken IV Konsýltatıvtik kezdesýiniń qorytyndylary men aımaq elderiniń Prezıdentteri qabyldaǵan Ortalyq Azıany HHİ ǵasyrda damytý jónindegi dostyq, tatý kórshilik jáne yntymaqtastyq boıynsha shart týraly aıtty.
Fernan Etgen óz kezeginde Qazaqstandaǵy saıası qaıta qurýlar qazaqstandyq demokratıalyq ınstıtýttardyń damýynyń belsendi kezeńin kórsetetinin atap ótip,elimizdiń ekonomıkalyq jetistikteri men ekonomıkasyn ártaraptandyrýdyń artyp kele jatqany elimizdiń joǵary áleýetin ashyp kórsetetinin aıtty.
Parlamentarıı Qazaqstan men Lúksembýrgtiń álemdik arenada ózara múddeleri zor ekenin atap ótip, ózara tıimdi yntymaqtastyqty odan ári nyǵaıtýǵa múddeli ekenin bildirdi.
Taraptar aldaǵy ekijaqty is-sharalardy júzege asyrý maqsatynda turaqty baılanysta bolýǵa kelisti. Qazaqstandyq dıplomat F.Etgenge QR Parlamenti Májilisiniń Qazaqstanǵa kelýge shaqyrýyn taǵy da rastady. Al Lúksembýrg parlamentiniń tóraǵasy qazaqstandyq áriptesterimen Lúksembýrgte kezdesýge daıyn ekenin jetkizdi.