Problemaǵa nazar aýdartý
26 tamyzda er adam Taraz qalasynyń quqyq qorǵaý organdarymen arada týyndaǵan problemaǵa nazar aýdarý maqsatynda qurylys kranynyń tóbesine shyǵyp alǵan. Bul jaıynda Nur-Sultan qalalyq sotynan málim etti, dep habarlaıdy Almaty-akshamy.kz.
Taratylǵan aqparatqa qaraǵanda, Nur-Sultan qalalyq polısıa departamenti azamattyń ústinen buzaqylyq babymen ákimshilik is qozǵaǵan. Ákimshilik quqyq buzýshylyq týraly kodekstiń 434-baby 1-tarmaǵynda 5 AEK mólsherinde aıyppul nemese 10 táýlikke deıin qamaýǵa alý túrindegi ákimshilik jaza qarastyrylǵan.
İs materıalyndaǵy túsiniktemege sáıkes, azamat M. óziniń ústinen qozǵalǵan qylmystyq ispen kelispeıdi. Ol óziniń is-áreketin basyndaǵy problemaǵa nazar aýdartý maqsatynda jasaǵanyn túsindirgen.
Sot azamat M-ny ÁQBtK 434-baby 1-tarmaǵy boıynsha quqyq buzýshylyq jasady dep tanydy jáne 5 táýlikke ákimshilik qamaýǵa alyndy.
Qaýly zańdy kúshine engen joq.