Bıyl qańtar-mamyr aılarynda el ishindegi kóshi-qon 2,1%-ǵa azaıdy.
Kóshi-qonnyń oń ózgerisi Almaty (14 481 adam), Nur-Sultan (12 783 adam) jáne Shymkentte (1 773 adam) baıqaldy, dep habarlaıdy Almaty-akshamy.kz Ulttyq statısıka búrosyna silteme jasap.
Qańtardan mamyrǵa deıin elge 6 227 adam kelip, 9 034 adam ketken. Kóshi-qon saldosy - mınýs 2 807 adam. Negizinen TMD memleketterinen keledi, ketý úshin de osy memleketterdi tańdaıdy.
Halyq sany
1 maýsymdaǵy derekter boıynsha, el halqynyń sany 19 mıllıon 222,6 myń adamǵa jetti. Qalalarda 11 mıllıon 460,5 myń qazaqstandyq turady. Bul halyqtyń 59,6%-i. Aýyldyq jerlerde 7 mıllıon 762,1 myń adam (40,4%) bar. Bir jyl ishinde halyq sany 237,8 myńǵa artty.
Qańtar-mamyrda respýblıka halqynyń tabıǵı ósimi 2021 jylǵy qańtarmen salystyrǵanda tómendep, 103,3 myń adam boldy. Tabıǵı ósimniń jalpy koefısıenti 1000 adamǵa shaqqanda 12,94 adamdy qurady.
2022 jylǵy qańtar-mamyrda 161,5 myń sábı týdy. Bul ótken jyldyń sáıkes kezeńimen salystyrǵanda 7,8%-ke az. 58,5 myń adam qaıtys boldy. Byltyrǵy qańtar-mamyrdan 8,2%-ke az (63,7 myń adam).
Osy jyldyń qańtar-mamyr aılarynda respýblıkada bir jasqa deıingi 1 384 sábı kóz jumdy, Ótken jyly bul kórsetkish 2,7%-ke kóp bolǵan.