Prezıdent Úkimettiń keńeıtilgen otyrysynda ákimderge jaıaý júrip, óz qalalaryn aralaýy kerektigin aıtty.
Memleket basshysynyń aıtýynsha, bul máselege bılik ókilderimen birge halyq ta nazar aýdarýy kerek, dep habarlaıdy Almaty-akshamy.kz Ulysmedia.kz-ke silteme jasap.
«Biz qalalarymyz ben astanamyzdy kórkeıtýge barynsha mán berýimiz kerek. Moıyndaý kerek, bizdiń qalalarymyz jaqsy kórinbeıdi. Oıyn alańdary jabdyqtalmaǵan. Shetelde júrgende kóremiz, úıler tozǵan, búdjeti áldeqaıda az. Biraq soǵan qaramastan, qalalar óte jaqsy, taza kórinedi. Bul – mýnısıpaldy bıliktiń jumysy. Oǵan qosa qala turǵyndarynyń óz kózqarasy bar. Bizge ne jetpeıdi?» - dedi Toqaev.
Ol ákimder qalalardaǵy problemany kózimen kórýi úshin jaıaý júrýi kerek ekenin aıtty.
«Biz qala turǵyndarynyń óz kóshelerine, úılerine jáne taǵy basqaǵa nemquraıly qaraıtynyna tap boldyq. Bul elimizdiń bedelin túsirýge jumys isteıdi. Mundaı másele elordada da bar. Elordanyń joǵary mártebesi tek qala ortalyǵyna ǵana emes, shet aımaqtarǵa da saı bolýy kerek. Qalalar óte nashar kórinedi. Munda barlyq deńgeıdegi ákimder, máslıhat ókilderi otyr, osyǵan nazar aýdaryńyzdar. Mysaly, Semeıdegi balalar alańyn kórsetti. Ony paıdalaný qaýipti. Ákimder jaıaý júrip, óz qalalaryn aralaýy kerek», - dedi Toqaev.