Aısulý Ernıazova: G-8 stýdenttik qozǵalysynyń negizin qalaýshy
Prezıdenttiń búgingi Joldaýyna baılanysty kóptegen qoǵam ókilderi pikirlerin bildirip jatyr. G-8 stýdenttik qozǵalysynyń negizin qalaýshy Aısulý Ernıazova da Joldaýdan alǵan áserimen bólisýde jón kórgen.
«Joldaýda aıtylǵandardy áli de qaıta-qaıta oqyp jatyrmyn. Degenmen Joldaýdan alǵan áserimmen osy postta bóliseıin», - dep jazdy ol.
Onyń aıtýynsha, búgingi Joldaýda eldiń bári kútken saıası reformalar aıtyldy.
«Shartty túrde memleket basshysynyń aıtqandaryn úsh bólimge bólýge bolady: sheshimder jáne qańtar oqıǵalaranyń zardaptaryn qalpyna keltirý, mańyzdy saıası ózgerister, azamattyq qoǵamdastyqty kóbirek tartý. Prezıdenttiń búgingi sózinen keıin 30-ǵa jýyq zańnamalyq aktilerin ózgerister kútip tur» , - dep jazdy ol óziniń Instagram paraqshasynda.
Joldaýda aıtylǵan máselelerdi talqylaı otyryp, Aısulý Ernıazova halyqty Prezıdenttiń basatamalyn qoldaýǵa shaqyrypty:
«Sonymen, aıtylǵandardyń bárin qorytyp, iske kiriseıik. Árbir adam óziniń osy ornynda, qarym-qatynasynda, óziniń jumysynda bolsyn iske kósheıik. Prezıdent árbir joldaýynda aıtyp júrgendeı, osy joly da, ásirese, shıelenisken geosaıası jaǵdaıda taǵy da birlikke, yntymaqqa shaqyrdy. Joldaý bárine unady degen oıdamyn», - dedi ol.