BUU: Klımattyń ózgerýi jáne qorshaǵan ortanyń lastanýy qaqtyǵystar men teńsizdikti kúsheıtti
BUU Adam quqyqtary jónindegi Joǵarǵy komısary Mıshel Bachelet ǵalamdyq jylynýǵa qarsy kúres aıasynda teńsizdikter men qaqtyǵystar kúsheıgenin atap ótti. Chılıdiń eks-prezıdenti 13 qyrkúıekte Jenevada BUU Keńesiniń 48-shi sesıasynyń ashylýynda klımattyń ózgerýine balanysty adamzatqa tónip turǵan máseleler týraly aıtty, dep habarlaıdy Almaty-akshamy.kz Lenta.ru silteme jasap.
Bachelettiń aıtýynsha, lastaný men bıoalýantúrliliktiń joǵalýy álemdegi eń kedeı elderdiń turǵyndary úshin kóptegen qıyndyq ákeledi. Ekologıalyq máselelerge qatysty qaqtǵystar adamdardń kóptegen saladaǵy quqyǵyn buzady, máselen,tamaqtanýǵa, sýǵa, bilim alýǵa, baspanaǵa, densaýlyqqa qatysty kóptegen qaqyn buzyp, mıllıondaǵan adamdardyń ómirine qıyndyq týdyrady.
«Lastanýdyń bir-birimen balanysty daǵdarystary, klımattyń ózgerýi qaýip -qaterdi kóbeıtetin faktorǵa aınalady, shıelenister men qurylymdyq teńsizdikti kúsheıtedi jáne adamdardyń jaǵdaıyn qıyndata túsedi», - dedi Bachelet.
Budan buryn Global Witness atty halyqaralyq uıym adam quqyǵy men qorshaǵan ortany qorǵaý úshin 2020 jyly óltirilgen belsendilerdiń sanyn eseptegen bolatyn. Munda baqylaýdy olar 2012 jyldan bastap júrgizip keledi. 2020 jyly ólim sany boıynsha rekord ornatylǵan, zańsyz aǵash kesýshilerdiń, ónerkásipshilerdiń, fermerlerdiń jáne basqa da kómirtegi kóp kásipterdiń qolynda azamattyq qoǵamnyń 227 adam qurban bolǵan.