Týrıserdi qutqarý úshin MI-8 tikushaǵy jiberildi
SHQO oblysyna qarasty Belýha taýynda reseılik 2 álpınıs týrıs qaıtys bolyp, taǵy 2 adam qutqaryldy, dep habarlaıdy Almaty-akshamy.kz QR Tótenshe jaǵdaılar mınıstrliginiń baspasóz qyzmetine silteme jasap.
«23 maýsym kúni saǵat 10:00 shamasynda Katonqaraǵaı aýdanynyń qutqarýshylaryna Kókkól aýdanyndaǵy Belýha taýynda 4 álpınıs týrıs qar kóshkininiń astynda qaldy degen habar tústi. Apat saldarynan 2 adam qaıtys boldy. Bireýi 1992 jyly, ekinshisi 1988 jyly týǵan. Odan bólek 1990 jyly týǵan Reseı Federasıasynyń azamaty zardap shekken jáne 32 jastaǵy bir álpınıs aman qaldy», - delingen habarlamada.
Aqparatta aıtylǵandaı týrıserdi qutqarý úshin MI-8 tikushaǵy jiberilgen.
«Oqıǵa ornyna kelgen tikushaq 1 metr bıiktikte qalyqtap turdy. Bul sátte qutqarýshylar qaza bolǵandardyń denesin bortqa tıedi. Al jaraqat alǵan er adamǵa alǵashqy medısınalyq kómek kórsetildi», - deıdi vedomstvodan.
Sondaı-aq, baspasóz qyzmeti tikushaqpen qutqarý jumysy 3000 metr bıiktikte júrgizilgenin jáne áýe kemesi birneshe reıs jasaǵanyn habarlap otyr.
Osy oraıda óńirlik tótenshe jaǵdaılar departamenti taýdaǵy qaýipsizdik erejelerin eske salady:
- Marshrýtqa shyǵar aldynda TJ qyzmetinde tirkelý qajet. Munda siz marshrýttyń erekshelikteri, baqylaý ýaqyty jáne baılanys sıgnaldary týraly barlyq qajetti aqparatty ala alasyz;
- Yńǵaıly kıim men aıaq kıimdi tańdaýǵa baıypty bolyńyz;
- Ózińizben birge alyp júrýińiz kerek zattardyń ishinde: jyly zattar, uıaly telefon úshin qosymsha qýat kózderi, sham jáne ot jaǵýǵa arnalǵan quraldar bolýy kerek. Sondaı-aq, GPS navıgatoryn ózińizben birge ótkizgen jón.
Saparda:
- Qozǵalys úshin uzaǵyraq bolsa da, eń qaýipsiz marshrýtty tańdaý kerek;
- Qozǵalys bastalar aldynda yqtımal qaýipterdi muqıat baǵalaý, aýa-raıy jaǵdaılaryn jáne kedergilerdiń yqtımaldyǵyn eskerý qajet;
- túrli kenetten bolatyn jaúdaılarǵa daıyn bolý qajet jáne qaýip kezinde ýaqtyly saqtyq sharalaryn qabyldaý kerek;
- Tek toppen qozǵalý kerek;
- Nashar kóringende (tuman) nemese táýliktiń qarańǵy ýaqytynda ótpeý kerek;
- Qaýipti jartasty jerlerden ótpeńiz. Bos jatqan tastarmen betkeıler men oıyqtarǵa ótpeńiz.