UEFA Ulttar lıgasyndaǵy sátti oıyndary oń áser etti
Halyqaralyq fýtbol federasıalary asosıasıasynyń (FIFA) jańartylǵan reıtıńisinde Qazaqstan quramasy 11 catyǵa joǵarylady. Oǵan quramanyń UEFA Ulttar lıgasyndaǵy sátti oıyndary oń áser etti, dep habarlaıdy Almaty-akshamy.kz QazAqparatqa silteme jasap.
Búgin, 23 maýsymda halyqaralyq fýtbol federasıalary asosıasıasynyń (FIFA) jańartylǵan reıtıńisi jarıalandy. Onda Qazaqstan quramasy 114 orynǵa kóterildi. Osylaısha qurama burynǵy ornynan 11 satyǵa joǵarylaǵan.
Eske salsaq, bas bapker Magomed Adıevtiń jetekshiligimen qazaqstandyq fýtbolshylar UEFA Ulttar lıgasynda Ázerbaıjan (2:0) jáne eki márte Slovakıany (1:0, 2:1) tize búktirdi. Al Belarýspen (1:1) teń oınady.
Nátıjesinde ol quramanyń FIFA reıgtıngisindegi ornynyń joǵarylaýyna oń áser etti.
FIFA reıtıńisindegi 2022 jyldyń 23 maýsymyndaǵy kórsetkish tómendegishe:
1. Brazılıa - 1838 upaı
2. Belgıa - 1822
3. Argentına - 1771
4. Fransıa - 1765
5. Anglıa - 1737
6. Ispanıa - 1717
7. Italıa -1714
8. Nıderlandy -1680
9. Portýgalıa - 1679
10. Danıa - 1665
51. Slovakıa -1440
96. Belarýs - 1227
114. Qazaqstan - 1166
128. Ázerbaıjan - 1127.
Qazaqstandyq fýtbolshylar endi 22 qyrkúıekte Belarýsti qabyldasa, 25 qyrkúıekte syrt alańda Ázerbaıjanmen sheberlik baıqasady.