Mamandar baǵa qymbattamaý úshin bar ónimdi durys saqtaýdyń da mańyzy zor degen pikirde.
QR ASHM ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov kartoptyń baǵasy qoljetimdi bolatynyn aıtty, dep habarlaıdy Almaty-akshamy.kz
«Qazir óńir ákimdikteri aldyndaǵy kezek kúttirmeıtin is - kartop óndirýshilermen kelisimshart jasasyp, kartop qoryn jasaqtaý. Ol úshin mınıstrlik tarapynan barlyq jaǵdaı jasalǵan, ár ákimdikke kartop óndirýshilerdiń tizimin berdik. Bizde kartop óndiretin 4 aımaq bar, ol - Pavlodar, Qaraǵandy, SQO jáne Aqmola oblystary. Eger ákimdikter kartop qoryn qazirden bastap jasaqtasa, tapshylyq pen baǵa ósimi bolmaıdy. Qordaǵy ónim kelesi jyldyń mamyr aıyna deıin jetse, odan ári kóktemgi jańa kartop naýqany bastalady», - dedi Azat Sultanov OKQ-de onlaın ótken baspasóz máslıhatynda.
Onyń aıtýynsha, otandyq kartop óndirýshiler baǵa turaqtylyǵyn saqtap, ónim tapshylyǵy bolmaýy úshin kelisimshartqa otyrýdy usynyp otyr.
«Árıne, maýsymdyq baǵa ósimi kútiledi. Biraq baǵa qoljetimdi bolady. Bizdiń boljamymyzǵa sáıkes, keler jyly maýsym kezinde kartoptyń kelisi 200-250 teńgeni qurasa, sábiz ben qyzylshanyń baǵasy 300 teńgege deıin baryp qalady dep josparlanyp otyr», - deıdi ol.