Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn túsindirý jumystary boıynsha Kardıologıa jáne ishki aýrýlar ǵylymı-zertteý ınstıtýtynyń ujymymen kezdesti.
Almaty qalasy máslıhatynyń depýtaty, qalalyq kardıologıa ortalyǵynyń dırektory Almat Qodasbaev, Almaty qalasy máslıhatynyń depýtaty Ásıa Aqanova jáne Almaty qalalyq qoǵamdyq keńes komısıasynyń múshesi Aleksandr Belánov jáne Kardıologıa jáne ishki aýrýlar ǵylymı-zertteý ınstıtýtynyń ujymy men BAQ ókilderi bas qosqan is-sharada qoǵamnyń úılesimdi damýy ulttyń densaýlyǵyn qamtamasyz etý shartymen ǵana múmkin bolatyny sóz boldy.
– Memleket basshysy óz Joldaýynda ult áleýetin arttyrýda sheshýshi ról atqaratyn densaýlyq salasyn damytý máselesine erekshe mán berip otyr. «Elimizdiń basty qundylyǵy – adam. Bul – aıqyn nárse. Sondyqtan ulttyq baılyqty teń bólý jáne barshaǵa birdeı múmkindik berý – reformanyń basty maqsaty. Ult saýlyǵy jaqsy bolsa ǵana, qoǵam ornyqty damıdy», – dedi Prezıdent. Iaǵnı ár azamattyń densaýlyǵy ol – ult jetistigi. Halyq densaýlyǵyn saqtaýdyń negizi retinde qoǵamdyq densaýlyq saqtaýdy damytyp, halyqtyń sanasyna densaýlyqtyń qadirin uǵynýdy sińirip, aýrýlardyń aldyn alýǵa aıryqsha kóńil bólý kerek. Halyqaralyq úzdik tájirıbelerge súıensek, medısınany damytýdyń basty joly qoǵamdyq densaýlyq qyzmetin qalyptastyrý bolyp tabylady, – dedi máslıhat depýtaty Ásıa Aqanova.
Jalpy, Qazaq kardıologıa ǵylymı-zertteý ınstıtýty 1977 jyly jeltoqsan aıynda quryldy. 2001 jyly ınstıtýt Kardıologıa jáne ishki aýrýlar ǴZI bolyp qaıta qurylyp, klınıka kópsalaly boldy. Búgingi tańda «Kardıologıa jáne ishki aýrýlar ǴZI» AQ Qazaqstandaǵy kardıologıalyq, kardıohırýrgıalyq jáne terapevtik qyzmetterdiń flagmany bolyp tabylady, onda elimizdiń barlyq óńirlerinen aýyr jáne dıagnostıkasy qıyn aýrýlarmen aýyratyn naýqastarǵa joǵary bilikti, mamandandyrylǵan, joǵary tehnologıalyq, stasıonardy almastyratyn jáne ambýlatorıalyq- emhanalyq medısınalyq kómek kórsetiledi. Instıtýtta jaqyn jáne alys shetelderde oqýdan ótken joǵary bilikti mamandar jumys isteıdi, onyń ishinde 12 medısına ǵylymynyń doktory, 2 PhD doktory, 24 medısına ǵylymynyń kandıdaty, 8 densaýlyq saqtaý magıstri jáne 101 joǵary jáne birinshi biliktilik sanaty bar dárigerler qyzmet atqarady.
Jıynǵa qatysýshylar medısınalyq qyzmet kórsetýdiń qoljetimdiligi men sapasy, densaýlyq saqtaý salasynyń máseleleri jáne olardy sheshý joldaryn talqylaı kele, túsindirý jumystary boıynsha óz pikirlerin ortaǵa saldy.