Alataý aýdanynyń prokýratýrasy aǵymdaǵy jyldyń ótken kezeńinde prokýrorlyq qadaǵalaý aktisin engizip onyń qaralý nátıjesinde kámelettik jasqa tolmaǵan bes jasóspirimniń jalpy oqytýǵa qatysty konstıtýsıalyq quqyqtary qorǵady.
Bul týraly Almaty qalasy Alataý aýdany prokýratýrasynyń bólim prokýrory Qýanysh Abılmajınova aıtty, dep habarlaıdy Almaty-akshamy.kz.
Atap aıtqanda, olardyń 2-ýi jasy kámeletke tolmaǵandardyń úsh jyldan astam ýaqyt oqý oryndaryna barmaǵany, antısanıtarıalyq jaǵdaıda ustalǵany anyqtaldy.
Qazaqstan Respýblıkasy Neke (erli-zaıyptylyq) jáne otbasy týraly Kodeksiniń talaptaryna sáıkes balalar iriktelip alynyp, Almaty qalasynyń balalardy qoldaý ortalyǵyna ornalastyryldy.
Olardyń ata-anasyna qatysty ata-ana quqyqtaryn shekteý týraly sotqa talap-aryz joldandy. Sonymen qatar 3 bala jalpy bilim berý mektebine ornalastyryldy. Atalǵan olqylyqtarǵa jol bergen birqatar laýazymdy tulǵalar jaýapkershilikke tartyldy. Bul baǵyttaǵy jumys jalǵasýda.