Bul 280 oryndyq balabaqsha bolady.
Ústimizdegi jyldyń sońyna deıin Almaty qalasyndaǵy Jetisý aýdanynda jańa balabaqsha ashylady. Bul týraly qala ákimi Erbolat Dosaev osy aýdan turǵyndarymen bolǵan kezdesý barysynda aıtty, dep habarlaıdy Almaty-akshamy.kz.
«Jyl sońyna deıin Ratýshnyı kóshesinde 280 oryndyq balabaqsha ashylady. Ákimdik burynǵy balabaqsha ǵımaratyn byltyr satyp alǵan», - dedi ákim kezdesý barysynda.
Erbolat Dosaevtyń aıtýynsha, mektepterde tapshylyq 1600 oryndy, al Almaty boıynsha 19 600 oryndy quraıdy. Máseleni sheshý úshin bıyl 800 orynǵa eseptelgen mektepterge japsarlas 3 ǵımarattyń qurylysy bastalady.
"Aınabulaq-4" shaǵynaýdanynda mektepke deıingi balalardyń oryn tapshylyǵyn qysqartý úshin 160 oryndyq balabaqsha salynýda. Qurylys jumystary kelesi jyly aıaqtalady.
"Kemel", "Aınabulaq" jáne "Qulager" shaǵynaýdandarynda úsh dene shynyqtyrý-saýyqtyrý keshenderiniń qurylysy aıaqtalýda. Ashylǵannan keıin balalarǵa arnalǵan sport seksıalary tegin bolady.