Bul - İshki ister mınıstri Marat Ahmetjanovtyń málimdemesi.
Qazaqstanda bıyl jol-kólik oqıǵalary 14 paıyzǵa kóbeıip ketken, dep habarlaıdy Almaty-akshamy.kz
«Jyl saıyn 13 myńnan asa jol apaty bolyp, 2 myńnan asa adam qaza taýyp, 18 myńnan astamy jaraqat alady», - dedi Ahmetjanov.
Onyń aıtýynsha, sońǵy tórt jylda jazataıym oqıǵalar azaıǵan.
«Jol apaty pandemıa kezinde aıtarlyqtaı tómendedi. Biraq áli kúnge deıin Almaty, Almaty oblysy, Jambyl jáne Túrkistan oblystarynda apattardyń joǵary deńgeıi saqtalyp tur», - dedi mınıstr.
İshki ister mınıstrliginiń málimetinshe, jyl basynan beri (8 aı ishinde) barlyq JKO kórsetkishteri ósken:
jol-kólik oqıǵalary - 14 paıyzǵa;
qaza bolǵandar - 18 paıyzǵa;
jaralanǵandar - 13 paıyzǵa.
Jyl basynan beri polısıa 4,5 mıllıonnan astam jol qozǵalysy erejesin buzǵan derekti anyqtaǵan. 17,5 myńnan asa mas júrgizýshi ustalǵan.