Onyń quny 8,5 mln AQSH dollaryna teń.
Ústimizdegi jyldyń eki aıynda salmaǵy 1 085 tonnany quraıtyn, quny 8,5 mln AQSH dollaryna teń gúl ákelingen, dep habarlaıdy Almaty-akshamy.kz QazAqparatqa silteme jasap.
Sulýlyq pen náziktik sımvolyna aınalǵan gúlderdi negizinen shet elderden ákeletini belgili. Osyǵan oraı QR QM Memlekettik kirister komıtetinde syrt elderden gúlderdi ákelýge baılanysty qyzyqty derektermen bólisti.
Suranysy eń joǵary – raýshan gúlderi: salmaǵy 724 tonna, quny 6 mln. AQSH dollaryna jýyq gúlder ákelingen. Ekinshi orynda – hrızantemalar (salmaǵy 97 tonna, quny 883 myń AQSH dollary), úshinshi orynda – qalampyr (salmaǵy 28 tonna, quny 165 myń AQSH dollary).
Sonymen qatar lalagúl de joǵary suranysqa ıe, salmaǵy 24 tonna quraıtyn ony 178 myń AQSH dollaryna ákelgen, salmaǵy 167 tonna basqa da jańa kesilgen gúlder men búrshikter de (qyzǵaldaq, hydrangeas, lınolıým, gıpsofıla, fınıks, ırıs, gortenzıa jáne basqa da ekzotıkalyq gúlder) 1,1 mln. AQSH dollaryna ákelingen.
Aǵymdaǵy jyly gúlder Nıderlandy (535 tonna), Belgıa (162 tonna), Germanıa (115 tonna), Ekvador (94 tonna), Lıtva (79 tonna), Kolýmbıa (54 tonna), Ózbekstan (69 tonna), Kenıa (15 tonna), Slovakıa (5 tonna), Izraıl (4 tonna) jáne Túrkıa (3 tonna) elderinen ákelingen.
Ótken 2021 jyly salmaǵy 5 752 tonna, quny 41,4 mln. AQSH dollaryn quraıtyn gúlder ákelingen.
Sondaı-aq, ótken jyly raýshan gúlderi joǵary suranysqa ıe bolǵan, salmaǵy 3646 tonna olardy 28,2 mln. AQSH dollaryna, 714 tonna hrızantemalardy 4,8 mln. AQSH dollaryna, 240 tonna lalagúldi 1,4 mln. AQSH dollaryna, 197 tonna qalampyrdy 1,1 mln. AQSH dollaryna ákelgen.
Degenmen 2021 jyly gúlder eksportqa da shyǵarylǵan, atap aıtsaq, jalpy quny 71,4 myń AQSH dollaryn quraıtyn 17,8 tonna gúl syrtqa ketken. Negizinen shyǵarylǵany - raýshan gúlderi men lalagúlder.