Reseılikter sońǵy birneshe kúnde Facebook jelisine kirýde qıyndyqtarǵa tap bolǵanyn aıtady.
"Roskomnadzor" bul sheshimdi keshe qabyldaǵan, dep habarlaıdy Almaty-akshamy.kz Starhit.ru saıtyna silteme jasap.
Roskomnadzordyń resmı saıtynda Reseı turǵyndarynyń áleýmettik jelini paıdalana almaıtyndyǵy týraly jańalyq paıda boldy. Vedomstvo ózderiniń nege mundaı qatań sharaǵa barýǵa májbúr bolǵanyn túsindirdi.
«2022 jyldyń 4 naýryzynda Reseı Federasıasynda Facebook jelisine (Meta Platforms, Inc. kompanıasyna tıesili) kirýge tyıym salý týraly sheshim qabyldandy. 2020 jyldyń qazan aıynan beri Facebook tarapynan reseılik BAQ pen aqparattyq resýrstardy kemsitýdiń 26 oqıǵasy tirkeldi. Sońǵy kúnderi áleýmettik jeliden "Zvezda" telearnasy, "RIA Novostı" aqparattyq agenttigi, Sputnik, Russia Today, Lenta.ru jáne Gazeta.ru aqparattyq resýrstary sıaqty akkaýnttarǵa kirý shektelgen.
Joǵaryda atalǵan shekteýlerge «Adamnyń negizgi quqyqtary men bostandyqtaryn, Reseı Federasıasy azamattarynyń quqyqtary men bostandyqtaryn buzýǵa qatysy bar adamdarǵa yqpal etý sharalary týraly» № 272-FZ Federaldyq zańymen tyıym salynady, sonymen qatar aqparattyń erkin aǵynynyń buzýshylyqtardyń aldyn alý úshin qabyldanǵan, reseılik paıdalanýshylardyń sheteldik ınternet-platformalardaǵy reseılik BAQ-qa kedergisiz qol jetkizýiniń negizgi qaǵıdattaryna sáıkes», - dep atap ótti "Roskomnadzor" ókilderi.
Biraz ýaqyttan keıin Twitter jelisin toqtatý týraly da belgili boldy. Basqa tanymal áleýmettik jeliler – Instagram, Telegram-ǵa keletin bolsaq, olar áli de jumys istep tur. Bir aıta ketetini, kóptegen reseılik juldyzdar VKontakte akkaýnttaryn belsendi túrde «jandandyryp» jatyr.