Sheteldikterdiń deni TMD elderinen kelgen.
İshki ister mınıstrligi Kóshi-qon qyzmeti komıtetiniń tóraǵasy Aslan Atalyqov 2022 jyly elimizge 5 mıllıon 610 myń sheteldik kelgenin aıtty, dep habarlaıdy Almaty-akshamy.kz Zakon.kz-ke silteme jasap. Onyń aıtýynsha, sheteldikterdiń deni TMD elderinen keledi.
«Birinshi orynda Reseı Federasıasynan kelgen ımıgranttar - 2 900 000. Ekinshi orynda Ózbekstan azamattary - 2 300 000. Qyrǵyzstannyń azamattary - 730 000. 330 000-nan astamy - Tájikstan azamattary. Al 90 000-ǵa jýyǵy - Túrkıa azamaty. Qazir Qazaqstanda 650 myń sheteldik ýaqytsha turyp jatyr. Munyń 90%-y - osy elderden. 6 000 000-ǵa jýyq sheteldik elden ketti», - dedi Aslan Atalyqov.
Ol sonymen qatar Reseı Federasıasy azamattarynyń kóship kelýiniń qazirgi jaǵdaıyna toqtaldy.
«Reseı Federasıasynyń azamattaryna kelsek, bul jerde atap ótkim keledi, birinshiden, olar - burynǵydaı Qazaqstanǵa jıi keletin qonaqtar. Olardyń negizgi aǵyny jaz aılaryna, ıaǵnı demalys jáne týrısik maýsymǵa keledi. Qazaqstanǵa 1 200 000 reseılik kelgen. Olardyń eń kóp sany shilde aıynda kelgen – 485 000-nan astam. Tamyzda sál az – 400 000 adam. Al qyrkúıekte 406 000 reseılik kelgen. Onyń birazy belgili sebepterge baılanysty 21 qyrkúıekten 30 qyrkúıekke deıin kelgen», - dedi ol.