Bıyl ár balaǵa 12 252 teńgeden járdemaqy tólenedi.
Jyl basynan beri orta eseppen 493,1 myń kóp balaly otbasy 82,2 mlrd. teńge kóleminde memlekettik járdemaqy tólemderimen qamtyldy, onyń ishinde naýryz aıynda 499,3 myń otbasy jalpy somasy 27,8 mlrd. teńge járdemaqy aldy. Bul týraly QR Eńbek jáne halyqty áleýmettik qorǵaý mınıstrliginiń resmı saıtynda jarıalandy, dep habarlaıdy almaty-akshamy.kz
Atalǵan memlekettik járdemaqy 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylarǵa beriledi. Tólem mólsheri balalardyń sanyna baılanysty saralanady jáne bıyl ár balaǵa - 12 252 teńge.
«Kóp balaly otbasylarǵa olardyń kiristerin esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap, ataýly áleýmettik kómek kórsetýdiń jańa tetikterinde kózdelgen tabysy az jáne kóp balaly otbasylardy qoldaýdyń úsh negizgi baǵyty sheńberinde engizilgen bolatyn»n - delingen habarlamada.
Eske sala keteıik, QR Premer-Mınıstriniń orynbasary Eraly Toǵjanov zeınetaqy men járdemaqyny ınflásıaǵa saı ındeksteý úshin qosymsha 111 mlrd. teńge bólinetinin aıtqan bolatyn.