Qaıǵyly «qańtar oqıǵasynan» keıin Qazaqstan Respýblıkasynyń Úkimeti eldegi áleýmettik-ekonomıkalyq jaǵdaıdy turaqtandyrý jónindegi Jedel is-sharalar josparyn qabyldady.
Qazaqstan Respýblıkasyndaǵy jastar arasyndaǵy jumyssyzdyqtyń eń pesımısik kórsetkishteri Almaty jáne Nur-Sultan qalalarynda, sondaı-aq Qaraǵandy oblysynda baıqalady, dep habarlaıdy Almaty-akshamy.kz Finprom.kz saıtyna silteme jasap.
Qyzdar arasyndaǵy jumyssyzdyq deńgeıi (4,4%) jigitterge qaraǵanda (3,1%) aıtarlyqtaı joǵary eken.
15 pen 28 jas aralyǵyndaǵy jastar arasyndaǵy jumyssyzdyq deńgeıi 2021 jyldyń úshinshi toqsanynda 3,7%-dy quraǵan, bir jyl burynǵy kórsetkish 3,9% bolǵan. Qalalyq jastar arasyndaǵy jumyssyzdyq deńgeıi (4,1%) men aýyldyq jerlerdegi kórsetkishtiń (3,2%) aıyrmashylyǵy asa kóp emes.
Salystyrý úshin: jalpy Qazaqstan boıynsha jumyssyzdyq deńgeıi 4,9% qurady, al qala men aýyl arasyndaǵy aıyrmashylyq shamaly: sáıkesinshe 5% jáne 4,7%.
Eske salaıyq, qaıǵyly «qańtar oqıǵasynan» keıin Qazaqstan Respýblıkasynyń Úkimeti eldegi áleýmettik-ekonomıkalyq jaǵdaıdy turaqtandyrý jónindegi Jedel is-sharalar josparyn qabyldady. Atap aıtqanda, jastar arasyndaǵy jumyssyzdyq deńgeıin tómendetý sıaqty maqsatty kórsetken bolatyn. Naqtyraq aıtsaq, «Jastar tájirıbesi» jáne «Birinshi jumys» jobalary aıasynda ótý sharttary men jalaqy ulǵaıtylady. «Jastar tájirıbesi» jobasy boıynsha tájirıbeden ótý merzimi 6 aıǵa deıin, jalaqysy 25 AEK bolsa, «Birinshi jumys orny» jobasy boıynsha 24 aı merzimge jumysqa ornalasady, al birinshi jumys jyly jumyspen qamtý ortalyǵy 20 AEK mólsherinde eńbekaqy tóleıdi.
Genderlik turǵydan alǵanda, erler arasyndaǵy jumyssyzdyq deńgeıi 3,1%-dy qurasa, qalada bul kórsetkish 3,6%-ǵa, al aýyldyq jerde nebári 2,4%-ǵa jetti.
Áıelder arasyndaǵy jumyssyzdyq deńgeıi aıtarlyqtaı joǵary: 4,4%. Bul rette qala men aýyl arasyndaǵy alshaqtyq shamaly: qalada 4,5%, aýyldyq jerde 4,1%.
Qazaqstan Respýblıkasynyń aımaqtary ishinde jastar arasyndaǵy jumyssyzdyqtyń eń joǵary deńgeıi Almaty qalasynda (5,4%), odan keıin Nur-Sultan qalasynda (4,6%) jáne Qaraǵandy oblysynda (4,3%) belgilendi.
Jastar arasyndaǵy jumyssyzdyqtyń eń tómengi deńgeıi Atyraý (2,5%), Aqtóbe (2,6%) jáne Pavlodar (2,7%) oblystarynda belgilendi.
