Respýblıka aýmaǵynda jalpy uzyndyǵy 13 myń shaqyrymǵa jýyq segiz tranzıttik avtokólik dálizi bar, dep habarlaıdy BAQ.KZ Úkimettiń resmı saıtyna silteme jasap.
Qazirgi ýaqytta «Almaty – Taldyqorǵan – Óskemen – Shemonaıha – RF shekarasy» (768 km), «Aqtóbe – Atyraý – RF shekarasy» (746 km), «Maıqapshaǵaı – Qalbataý – Semeı – Pavlodar – RF shekarasy» (415 km) jáne «Almaty – Astana – Petropavl – RF shekarasy» (31 km) trassalarynda jóndeý jumystary júrip jatyr.
2030 jylǵa deıin «Batys Eýropa – Batys Qytaı» (1 363 km) jáne «Astana – Qostanaı – RF shekarasy» (830 km) dálizderi men «Atyraý – Oral – RF shekarasy» (587 km) trassalaryn İ tehnıkalyq sanatqa sáıkestendirip jańartý josparlanyp otyr.
Premer-Mınıstr bul jumysty kórshiles elderdiń ýákiletti memlekettik organdarymen úılestire otyryp, Reseı men Qytaıǵa qaraı logıstıkalyq baǵyttardy jáne Transkaspıı halyqaralyq kólik baǵytyn damytýdy jandandyrý qajettigin atap ótti.
Úkimet basshysynyń aıtýynsha, atalǵan tásil memleketter arasyndaǵy avtojoldardyń túıisken jerindegi «tar joldardy» tezirek joıýǵa jáne sonyń arqasynda júk aınalymyn edáýir arttyrýǵa múmkindik beredi.