Almaty polısıasynyń qyzmetkerleri bıylǵy jyldyń basynan beri sıntetıkalyq esirtkiniń zıany týraly 50-den astam dáris oqydy.
Bul joly tártip saqshylary NZM oqýshylaryna esirtkini qoldanýdyń qaıtymsyz saldary týraly aıtyp berdi, dep habarlaıdy Almaty-akshamy.kz
«Esirtkige qatysty quqyq buzýshylyqtyń aldyn alý jáne oǵan qarsy turý maqsatynda, turaqty negizde, bilim berý uıymdarynda da profılaktıkalyq is-sharalar júrgizilip jatyr. Tıisti taqyryptar boıynsha dárister ázirlendi. Beıne rolıkter daıyndalyp, býkletter men broshúralar basylyp shyǵaryldy. Dárigerler men úkimettik emes uıymdar esirtkiniń zıany týraly túsindirý jumystaryn júrgizip jatyr. Mektepterde, kolejderde jáne joǵary oqý oryndarynda semınarlar, dárister, sporttyq-profılaktıkalyq is-sharalar ótkizildi. Olarǵa 2 myńnan astam adam qatysty», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
NZM-de taǵy bir quqyqtyq bilim berý baǵdarlamasy ótti. Jedel ýákilder jastarǵa esirtki qylmysynyń aldyn alý, eskertý, jolyn kesý, sondaı-aq esirtki quraldarynyń, psıhotroptyq zattardyń, prekýrsorlardyń jáne sol tektesterdiń zańsyz aınalymy úshin qylmystyq jaýapkershilik týraly aıtyp berdi.
Sonymen qatar nashaqorlyqtyń aldyn alý jáne psıhoaktıvti zattardy tutynýdyń adam aǵzasyna tıgizetin keri saldarynyń áseri, sondaı-aq elektrondy temeki men energetıkalyq sýsyndardy paıdalanýdyń qaýiptiligi talqylandy.