Memleket basshysyna turǵyn úı máselesimen júgingen jetim balalar boıynsha aqparattyq habarlama
QR Prezıdenti men Almaty qalasynyń ákimine beıneótinish arqyly júgingen azamattar Almaty oblystyq №1 balalar úıiniń túlekteri. Olar Almaty oblysynyń ákimdiginde turǵyn úı alýǵa kezekke turǵandar (Almaty qalasynyń turǵyn úı kezegindegi tizimde joq). QR "Turǵyn úı qatynastary týraly" Zańynyń 71-babynyń 1-tarmaǵyna sáıkes turǵyn úıge muqtajdardy esepke alý azamattardyń turaqty turatyn jeri boıynsha júrgiziledi. Sondyqtan hat ıegerleriniń turǵyn úı berýge qatysty máselesin sheship berý ótinishi Almaty oblysy ákimdiginiń quzyretine kiredi.
Memlekettik turǵyn úı qorynan turǵyn úılerdi (jańadan paıdalanýǵa berilgen nemese turǵyndar bosatqan) nemese jeke turǵyn úı qorynan jergilikti atqarýshy organ jaldaǵan turǵyn úılerdi bólý kezinde jetim balalar men ata-anasynyń qamqorlyǵynsyz qalǵan balalarǵa komýnaldyq qordan turǵyn úılerdiń jalpy sanynyń keminde 20 paıyzy bólinedi.
Almaty ákimdigi HÁOT sanatyndaǵy adamdardy, atap aıtqanda, jetim balalardy baspanamen qamtamasyz etý máselesi erekshe nazarda. Eger 2022 jyly Almaty qalasynyń komýnaldyq turǵyn úı qorynan jetim balalarǵa 14 páter, 2023 jyly 55 páter berilse, 2024 jyly keminde 400 páter berý josparda bar. Osylaısha kelesi jyly jetim balalardyń 16%-ynyń turǵyn úı máselesi sheshiledi.