Almaty ákimdigi "River Park" TK-ny jylýmen jabdyqtaý jaǵyn baqylaýǵa aldy, dep habarlaıdy Almaty-akshamy.kz
Almaty qalasynyń Medeý aýdanynda ornalasqan "River Park" TK úıleriniń jylýmen jabdyqtaý júıesinde qurylys júrgizýshi mekemeniń salǵyrttyǵynan aqaý paıda boldy.
"Almaty jylý jelileri" JSHS (ALTS) bergen aqparatqa sáıkes, atalǵan keshen ǵımaratyna beriletin jylýdyń tómendeýine sebep, jeke qurylys uıymyna tıesili avtomattandyrylǵan jylý pýnktiniń (ATP) durys jumys istemeýinen týyndaǵan.
Bul rette komýnaldyq qyzmet ókilderi atalǵan TK-ge jylý júıesi jylý óndirý kózinen ("Almaty elektr stansalary" AQ, JEO jylýmen jabdyqtaý aımaǵy) barlyq parametrlerdi saqtala otyryp, shtattyq rejımde berilip jatqanyn málimdep otyr.
Olar syrtqy aýanyń tómen temperatýrasy kezinde atalǵan turǵyn úı kesheniniń turǵyndary tarapynan eshqandaı shaǵym túspegenin atap ótti. "River Park" TK úılerindegi jylytýǵa qatysty shtattan tys jaǵdaı turǵyn úı keshenine qyzmet kórsetetin jeke servıstik uıymnyń ATP jumysyna aralasýynan týyndaýy múmkin.
Qurylysshylarǵa kómekke Almaty jylý jelileriniń kezekshi brıgadasy jiberildi.
Sonymen qatar, aýdan ákimdigi buryn "ART Medıa" JSHS qurylys salýshy ókilderimen turǵyn úılerde jylýmen jabdyqtaýdy qalpyna keltirý úshin shuǵyl sharalar qabyldaý boıynsha kelissózder júrgizgen bolatyn.
Qurylys júrgizýshi mekeme elevatorly túıin úshin qosymsha sorǵylar satyp alynatynyn málimdedi. Sorǵylar kelesi aptada ornatylady.
"River Park" TK-ny jylýmen jabdyqtaý máselesi Almaty ákimdigi men qalanyń barlyq tıisti shuǵyl qyzmetteriniń baqylaýyna alyndy.