Ekinshi deńgeıli bankterdiń málimetinshe, memleket tarapynan qarjylandyrý bolmaýy sebep bolǵan.
Bankter jeńildetilgen nesıe boıynsha avtokólik satyp alýǵa ótinimder qabyldaýdy ýaqytsha toqtatty, dep habarlaıdy Almaty-akshamy.kz
«Búginde barlyǵy 9 myńǵa jýyq ótinim qabyldandy. Qarjylandyrýdyń birinshi transhy aıaqtaldy. Ótinimder 20 mamyrdan bastap qabyldanbady. Ótinimder qashan qaıta qabyldanatyny, ıaǵnı memleketten qarajattyń ekinshi transhy qashan túsetini ázirge belgisiz», - delingen Atameken Business habarlamasynda.
Sonymen qatar, BAQ-ta jeńildetilgen avtonesıe baǵdarlamasyna qatysýǵa ótinimderdiń lımıti taýsylǵany aıtyldy.
Byltyr kezekte turǵandardyń da bárin almaǵany aıtyldy. Jeńildetilgen nesıege ótinish berip úlgergen qazaqstandyqtar alǵan. Endi avtokólikti nesıege alǵysy kelgender ótinish bere almaıdy, qashanǵa deıin ekeni belgisiz.
«Nur-Sultanda Turan dańǵylyndaǵy Kia Allur Auto avtosalony ókilderi avtokólikter jetkilikti ekenin aıtty, biraq bankter arqyly qarjylandyrý jaqyn kúnderden beri bolmaǵan. Ázirge tek ForteBank ótinimderdi qabyldaýdy jalǵastyryp jatyr. Avtosalonnyń elektronby kezeginde barlyǵy 13 myń adam tur. Baǵdarlama boıynsha ótinimderdi qabyldaý qashan bastalady, qashan qarjylandyrylady degen másele «Ónerkásipti damytý qorynda» aıtylmady», - delingen Atameken Business habarlamasynda.