...İsi – aı men kúndeı!
Qazaqta «Jaqsynyń jaqsylyǵyn aıt, nury tassyn, jamannyń jamandyǵyn aıt, quty qashsyn» dep támsildegen. Qandaı ǵajab fılosofıalyq sóz. Kóneniń kózi, burynǵy qarıalary osy sózdiń astaryn jete túsingen. Qadirine jetken.
El ishinde «jaqsymen ótken bir sátiń, nashardyń ótip ketken ómirindeı» depti. Álem árdaıym meıirimdi kútedi. Shýaq bolyp shashylyp, jaýqazyn retinde ashylyp júrgen jandy kópshilik súıedi. Bylaı qarap turǵanda, qysqa ǵana ǵumyrda siz, biz desip júrgenge ne jetsin?!
Jahan jaqsylyqty qalaı túsinedi? Ásirese, shyǵys halyqtary Japonıa, Ońtústik Koreıa, Qytaı, Sıngapýrda emosıaǵa asa zer salady. Sol kóńil-kúı arqyly biraz nársege erekshe mańyz beredi. Ózi qatynasyp otyrǵan ortasyndaǵy jandardyń iske qabilettiligin arttyrýǵa asa den qoıady. Olar nege osy qadamǵa barady? Óıtkeni, adamzat balasy jaratylǵan kezeńnen bastap, kóńildiń quly ekenin zerttep, dáleldegen. Sondyqtan sapaly nátıjege qol jetkizý úshin, sapaly jaǵdaıdy qamtamasyz etedi. Mine, sonda ǵana tabysqa, mol qarajatqa keneletinin uǵynǵan. Bir qaraǵanda qarapaıym zat. Dese de, osynyń ózinde úlken paıdaly dúnıeler bar.
Adam kapıtaly. Sońǵy ýaqytta menedjment, ekonomıka, qarjy sektorynda osy termın keń aýqymda paıdalanylyp júr. Eger de maman jaqsy nátıje kórsetse, ony kóredi, tanıdy, qoldaıdy. Odan keıin ol adam kez kelgen sharýany dóńgeletýge daǵdylanady. Sosıologıa tilimen baıandaǵanda, yntaly jannyń boıynda mynadaı qasıetter kórinedi. Olar:
* Alǵyrlyq;
* Qaǵylezdik;
* Til alǵyshtyq.
Ágárákı, osy qasıetterdi bir arnaǵa túsirip p aıdalansańyz, paıdaǵa kenelerińiz sózsiz. Psıhologıa iliminde «adam boıynda eki ıgi qasıet bolý kerek eken. Birnshisi - qıaldaı alý, ekinshisi - sony hatqa túsirip, shımaılaı bilý». Atalǵan oılardy utymdy paıdalansańyz, is ilgeri jyljıtyny aqıqat.
Topshylaý. Aspan asty eliniń oıshyly Lao Szy «adamdardyń zańy: jaqsylyq qurý jáne urys daý damaıdan aýlaq bolý» dep maǵynaly oı qaldyrypty. Joǵarydaǵy paıymdaýlar, saralaýlardyń bárin túıistirgende, osyǵan uıysady. Eń negizgisi, jaqsy kisi bolsa, kez kelgen salany urshyqtaı úıirerin taǵdyr san márte dáleldegen.