Jýrnalıser Baızaq aýdanyndaǵy jarylystan zardap shekken áskerı qyzmetshilerdiń jaǵdaıy týraly bildi.
Taraz qalalyq №1 kópbeıindi aýrýhanasynda emdelip jatqan Baızaq aýdany №8 órt sóndirý qyzmetiniń qaraýyl bastyǵy Rasýl Muhamedjanov 26 tamyz kúni oqıǵanyń qalaı bolǵanyn aıtyp berdi, dep habarlaıdy Almaty-akshamy.kz Baq.kz-ke silteme jasap.
Baızaq aýdanyna Korolevka aýylyndaǵy áskerı bólimshede qoıma órtenip jatqany týraly habarlama kelip tústi. Jaýyngerlik kezekshilikte qaraýyl bastyǵy bolǵannan keıin ózim, júrgizýshi jáne bir órt sóndirýshimen birge eń birinshi bolyp barǵan edik. Aldymen barlaý jumysyn júrgizemiz. Sol sebepti aǵa leıtenant ne maıordan jarylatyn zattardyń bar-joǵyn suradyq. Ol jarylatyn zat joq ekenin aıtty. Ózderińiz de vıdeodan kórgen shyǵarsyzdar?! Men olardyń (áskerı bólimniń – Baq.kz) bir órt sóndirýshisimen birge qara tútinge sý shashtyq. Keıin qaıtadan «jarylǵysh zat bar ma?» dep suradym. Ol «joq» dep jaýap berdi. Keıin taǵy sý berdik, - dedi Rasýl Muhamedjanov.
Ol avtokóliktegi sý bitkennen keıin artqa qaraı shegingende №4 órt sóndirý bóliminiń eki kóligi kelgenin aıtty. Órt sóndirýshiler kóp kólemde taǵy sý bergen. Onyń kómegi tımeı, kishigirim jarylys paıda bolǵanda artqa qaraı qashqan.
Avtokólikter sýǵa ketti. Osy eki ortada áskerı bólimniń tankisin sýǵa toltyryp, órtti sóndirip kórdi. Odan da eshqandaı nátıje bolmady. Sosyn artqa sheginip, basqa komandany kúttik. Kólikter sý alyp kelgennen keıin bárimiz jan-jaǵynan sóndiretin boldyq. Men artqa qaraı bara jatqanda birinshi jarylys boldy. Bir taldyń astyna baryp jatyp, esimnen tanyp qaldym. Túngi 12 men 1-diń shamasynda meni áskerıler taýyp, alyp ketti, - dep aıtyp berdi órt sóndirýshi.
Rasýl Muhamedjanov órt sóndirý salasynda 2009 jyldan beri qyzmet etip keledi. 2014 jylǵa deıin órt sóndirýshi bolyp istegen. Qazirgi kúni qaraýyl qyzmetinde.
Eske sala keteıik, búgingi kúni jarylystan zardap shekken 28 naýqas aýrýhanada emdelip jatyr.